Nyimbo kama Mkakati wa Kuimarisha Mshikamano wa Kitaifa na Uwiano Barani Afrika

Uchunguzi wa Nyimbo za Kampeni za Wachuka

Abstract

Katika makala haya, tumeangazia namna nyimbo za kampeni zinaweza kutumika kuimarisha mshikamano wa kitaifa na uwiano Barani Afrika. Nyimbo za kampeni tunazotilia maanani katika mjadala huu ni zile zilizokuwa zikiimbwa toka 1992-2013 katika jamii ya Wachuka. Makala haya yanatambua ukweli kwamba wanasiasa hutumia si nyimbo tu bali hutumia hotuba, maandishi na hata pesa kuweza kuyapata mamlaka ya kisiasa na hata kujidumisha hapo baada ya kuyapata. Katika mjadala huu, tunaongozwa na nadharia ya Uchanganuzi Usemi Hakiki (U.U.H). Tutaelezea Wachuka ni kina nani na wanapatikana wapi. Katika uchanganuzi wetu, tutaangalia muktadha wa nyimbo hizi, wahusika wanaopatikana mle, ujumbe uliomo na jinsi lugha ya ushawishi inavyotumika kuuwasilisha. Katika lugha, tutajikita katika masuala matatu: vipashio vya lugha, mshikamano na mtindo unaotumika kuuwasilisha ujumbe wa ushawishi. Baada ya kuyashughulikia masuala hayo yote, tutahitimisha makala yetu kwa tumaini kuwa tutakuwa tumedhihirisha jinsi nyimbo zinaweza kutumika kuleta muumano wa kitaifa na uwiano Barani Afrika kwa manufaa ya wote.