Uchanganuzi wa Muziki Uliopendwa na Muziki wa Kisasa

Abstract

Muziki ni mojawapo ya vipera muhimu vya fasihi simulizi. Jumbe muhimu kuhusu masuala mbalimbali yanayoathiri jamii huwasilishwa kupitia muziki. Aidha, muziki umeweza kutumika kutoa habari kuhusu mambo ambayo huchukuliwa mwiko na, kwa hivyo, hayawezi kujadiliwa katika vikao na mazungumzo ya kawaida. Baadhi ya sifa za muziki zinazoufanya kutumika kwa urahisi ni pamoja na matumizi ya tamathali za usemi (kama vile mafumbo, methali na tashbihi) midundo na matumizi ya mahadhi yanayotokana na ala zinazotumika katika muziki. Makala haya yananuia kulinganisha muziki uliopendwa na muziki wa kisasa. Ulinganishi utahusu matumizi ya mapambo ya lugha kama vile tamathali za usemi, methali, semi na mafumbo katika aina hizo mbili za muziki kwa lengo la kuonesha ni muziki upi ulio na matumizi pevu ya lugha na hivyo unaoweza kutumika katika kuendeleza lugha ya Kiswahili. Muziki wa bendi ya DDC Mlimani Park utatathminiwa kwa kuzingatia kategoria ya muziki ulioopedwa na ule wa bendi ya Sauti Sol katika kategoria ya muziki wa kisasa.